Стаўка рэфінансавання ў Беларусі з 2 траўня зніжаецца да 10% гадавых
Нацбанк Беларусі / Еўрарадыё, архаўнае фота
Стаўка рэфінансавання ў Беларусі з 2 траўня знізіцца да 10% гадавых. Такое рашэнне прыняло праўленне Нацбанка.
Стаўка знізіцца на 0,5%. Папярэдні раз яна зніжалася на пачатку красавіка. Агулам гэта чацвёртае зніжэнне стаўкі рэфінансавання сёлета.
Стаўка па крэдыце овернайт з 2 траўня складзе 11% гадавых, а па дэпазіце овернайт — 9% гадавых.
Зніжэнне стаўкі рэфінансавання ў Нацбанку тлумачаць запаволеннем тэмпаў інфляцыі. "Пры ўмове адсутнасці шокаў чакаецца захаванне нізкіх штомесячных тэмпаў прыросту коштаў на спажывецкім рынку, што ў бліжэйшыя месяцы падтрымае трэнд на запаволенне гадавой інфляцыі", — заяўляюць у Нацбанку.
Велічыня стаўкі рэфінансавання ўплывае на даступнасць крэдытаў.
