Студэнцкі інтэрнат гарэў у Гомелі, з яго эвакуявалі больш за 140 чалавек
![Студэнцкі інтэрнат гарэў у Гомелі, з яго эвакуявалі больш за 140 чалавек](/sites/default/files/styles/gallery_main/public/2023-08/mns-1110.jpg.webp?itok=tKitkGk_)
Уначы 3 сакавіка ў студэнцкім інтэрнаце ў Гомелі адбыўся пажар. З будынка эвакуявалі больш за 140 чалавек, паведамляе БЕЛТА са словаў афіцыйнай прадстаўніцы Гомельскага абласнога ўпраўлення МНС Ксеніі Шынгірэй.
Прыкладна ў 23:17 вахцёр інтэрната гомельскага філіяла міжнароднага ўніверсітэта "МИТСО" затэлефанаваў ратавальнікам і заявіў пра задымленне ў будынку. "Да прыбыцця работнікаў МНС самастойна пакінулі будынак 141 чалавек. Пацярпелых няма", — адзначыла Шынгірэй.
Мяркуецца, што прычынай пажару стала кароткае замыканне свяцільніка без наступнага гарэння.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.