Светлагорскія ўлады хочуць, каб маладажоны праходзілі тэст на ВІЧ
Светлагорскі райвыканкам прапануе Палаце прадстаўнікоў увесці абавязковасць тэста на ВІЧ для маладажонаў і супругаў цяжарных жанчын. Раённыя чыноўнікі спасылаюцца на пагаршэнне сітуацыі з распаўсюдам ВІЧ-інфекцыі. Калі летась іх было 147 выпадкаў, дык толькі за 8 месяцаў гэтага года ўжо 135. У групу рызыкі цяпер увайшлі мужчыны і жанчыны 25-40 гадоў, якія раней вельмі рэдка ставіліся на ўлік, паведамляе БЕЛТА.
