Топ за тыдзень: як прайшоў Чарнобыльскі шлях у беларускай сталіцы
![Топ за тыдзень: як прайшоў Чарнобыльскі шлях у беларускай сталіцы](/sites/default/files/styles/gallery_main/public/2023-08/yyd7788_1.jpg.webp?itok=z4MxlIQ2)
Слухаць цалкам:
Фотарэпартаж з мінскага "Чарнобыльскага шляху"
26 красавіка ў Мінску прайшла акцыя “Чарнобыльскі шлях”, прысвечаная 31-й гадавіне аварыі на Чарнобыльскай АЭС. Дазвол на яе правядзенне далі сталічныя ўлады.
Збор удзельнікаў акцыі арганізатары абвясцілі на 18:00 каля кінатэатру “Кастрычнік“, што на станцыі метро “Акадэмія навук“. На гэтым месцы прайшоў кароткі мітынг, пасля якога адбылося шэсце да Чарнобыльскай капліцы.
Па розных ацэнках, у акцыі ўзялі ўдзел да 500 чалавек.
![Топ за тыдзень: як прайшоў Чарнобыльскі шлях у беларускай сталіцы](/sites/default/files/paragraphs/image/pal4euski-15041.jpg)
Актывіст зарэгістраванага ў Чэхіі “Маладога фронту” Сяргей Пальчэўскі, які праходзіць па “справе Белага легіёну”, прызнаўся, што яго завербавалі ў КДБ. Гэта адбылося на першым допыце, які праходзіў без адваката.
Па словах Пальчэўскага, яму пагражалі крымінальнай справай, а таксама самым нізкім сацыяльным статусам на зоне.
![Топ за тыдзень: як прайшоў Чарнобыльскі шлях у беларускай сталіцы](/sites/default/files/paragraphs/image/000019574315big_1.jpg)
26 красавіка прайшла сустрэча Аляксандра Лукашэнкі і Пятра Парашэнкі. Спачатку палітыкі сустрэліся на Чарнобыльскай АЭС. Там яны ўсклалі кветкі да мемарыяльнага комплексу “Героям Чарнобыля”, прысвечанага памяці загінулых ліквідатараў.
Пасля кіраўнікі Беларусі і Украіны правялі перамовы ў Петрыкаўскім раёне Гомельскай вобласці, у рэзідэнцыі “Ляскавічы”.
![Топ за тыдзень: як прайшоў Чарнобыльскі шлях у беларускай сталіцы](/sites/default/files/styles/round_photo/public/paragraphs/round_photo/0427hdzsudkasinerau01-2y46m.jpg.webp?itok=cNmmqR26)
Анархіста Вячаслава Касінерава аштрафавалі на 105 рублёў за тое, што ён накінуў пятлю на скульптуру царскаму гарадавому. Прычым пракурор патрабаваў для анархіста 2 гады “хатняй хіміі” за хуліганства.
Але Маскоўскі суд Мінска вырашыў абмежавацца штрафам. Адразу пасля абвяшчэння прысуду Касінераў заявіў, што ён чакаў “хіміі”, а больш мяккі прысуд ён звязвае з грамадскай салідарнасцю.
![Топ за тыдзень: як прайшоў Чарнобыльскі шлях у беларускай сталіцы](/sites/default/files/paragraphs/image/dsc4115.jpg)
Каардынатара суполкі вулічных мастакоў Signalproject Алега Ларычава асудзілі на пяць сутак арышту. Такі прысуд 28 красавіка вынесла суддзя Цэнтральнага суда Мінска Вікторыя Шабуня.
Ларычава судзілі за дробнае хуліганства — нібыта ён лаяўся матам і парушаў грамадскі парадак. Сам хлопец кажа, што ўвечары 26 красавіка толькі выйшаў з кавярні, калі яго ўжо чакалі два амапаўцы і мікрааўтобус.