Туман і галалёдзіца: сіноптыкі падоўжылі жоўты ровень небяспекі і на панядзелак
![Глядзіце пад ногі — будзе слізка!](/sites/default/files/styles/gallery_main/public/2023-12/person-1220027_1920.jpg.webp?itok=a8PrZkAG)
Глядзіце пад ногі — будзе слізка! / pixabay
Сіноптыкі абвясцілі жоўты ровень небяспекі з-за туману і галалёдзіцы на нядзелю, 10 снежня. І падоўжылі яго на панядзелак — кіроўцы, будзьце акуратныя на дарогах.
У нядзелю ў Беларусі будзе пахмурна, а месцамі пройдзе невялікі снег. Вецер паўднёва-ўсходні слабы. Тэмпература паветра мінімальная ўначы -4.. -10°С, максімальная днём 0.. -6°С.
Новы тыдзень пачнецца пацяпленнем: у панядзелак на Беларусь будуць ссоўвацца атмасферныя франты з тэрыторыі Польшчы і Украіны. Будзе хмарна, а месцамі пройдуць мокры снег і дождж. Вецер паўднёвай чвэрці ўмераны, удзень імпэтны. Тэмпература паветра мінімальная ноччу 0.. -7°С, максімальная днём -3.. +3°С.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.