У апошні працоўны дзень года чакаюцца дажджы і парывісты вецер
Воблачнае надвор'е чакаецца ў Беларусі 29 снежня. Пра гэта агенцтву БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Уначы пераважна па заходняй частцы, а ўдзень на большай частцы тэрыторыі краіны пройдуць дажджы, увечары па захадзе — з мокрым снегам. Месцамі чакаецца слабы туман, па паўночным усходзе на асобных участках дарог галалёдзіца. Вецер будзе паўднёва-ўсходні, паўднёвы 6-11 метраў за секунду, з парывамі да 14 метраў за секунду.
Тэмпература паветра ўначы прагназуецца ад нуля да 6 градусаў цяпла, удзень будзе +3...+8 градусаў.
