Аранжавы ўзровень небяспекі захаваецца ў Беларусі ў аўторак
Мокры снег, ілюстрацыйнае фота / Delfi
У аўторак, 17 снежня, у Беларусі чакаецца воблачнае з праясненнямі надвор'е, паведамляе Белгідрамет.
Часам будуць ісці ападкі — дождж, мокры снег. Уначы і зранку месцамі прагназуецца слабы галалёд, на асобных участках дарог — галалёдзіца. Вецер будзе заходні, паўночна-заходні парывісты, на большай частцы тэрыторыі моцны парывісты. Парывы будуць дасягаць 15-20 метраў за секунду, таму сіноптыкі працягнулі аранжавы ўзровень небяспекі на аўторак.
Тэрмометры ўначы пакажуць -1...+5, па паўднёвым захадзе будзе да 7 градусаў вышэй за нуль. Удзень чакаецца ад + 1 па паўночным усходзе да +9 па паўднёвым захадзе.
Моцны парывісты вецер і даволі цёплае для снежня надвор'е чакаецца і ў наступныя дні. Па захадзе краіны ўдзень будзе да 7-9 градусаў цяпла.
