У аўторак у Беларусі чакаюцца дажджы і да +19 градусаў
Воблачнае з праясненнямі надвор'е чакаецца ў Беларусі 3 траўня. Пра гэта агенцтву БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Міністэрства прыродных рэсурсаў і аховы навакольнага асяроддзя.
Уначы месцамі, а днём пераважна па паўночна-заходняй палове краіны сіноптыкі прагназуюць кароткачасовыя дажджы, днём у некаторых раёнах навальніцы. Уначы і зранку месцамі магчымы туман. Вецер будзе няўстойлівы, пры навальніцах яго парывы могуць дасягаць 14 метраў за секунду.
Тэмпература паветра ўначы чакаецца ад +4 да +10 градусаў. Удзень паветра прагрэецца да +13...+19, а па паўднёвым усходзе дасягне нават 21 градуса.