У Беларусі пачалі крымінальную справу супраць мэра Рыгі і кіраўніка МЗС Латвіі
У Беларусі распачалі крымінальную справу супраць мэра Рыгі Мартыньша Стакіса і кіраўніка МЗС Латвіі Эдгарса Рынкевічса. Іх дзеянні кваліфікуюцца як "наўмысныя дзеянні, накіравананыя на распальванне нацыянальнай варожасці па прыкмеце нацыянальнай прыналежнасці" (ч. 3 арт. 130 КК), паведамляе прэс-служба Генпракуратуры нашай краіны. Так кваліфікаваная замена чырвона-зялёнага сцяга на бел-чырвона-белы на флагштоку ў цэнтры латвійскай сталіцы (у Латвіі праходзіць чэмпіянат свету па хакеі, у якім удзельнічае і беларуская зборная). Сцяг асабіста замянілі мэр Рыгі і міністр замежных спраў. "Сцяг, які сімвалізуе рэжым, які ажыццяўляе дзяржаўны тэрарызм, недарэчны ў гарадскім асяроддзі Рыгі — таму мы яго знялі!", — так патлумачыў Стакіс свой учынак.
Prosecutor General of #Belarus has opened criminal probe against me and Mayor of Riga @MStakis. Shows desperation and insanity of the Lukashenko regime. I suggest that he better looks into the case of hijacking #Ryanair flight and opens investigation of state sponsored terrorism
— Edgars Rinkēvičs (@edgarsrinkevics) May 28, 2021
