У цэнтр Мінска былі выкліканыя верталёты МНС (фота, відэа)
![У цэнтр Мінска былі выкліканыя верталёты МНС (фота, відэа)](/sites/default/files/styles/gallery_main/public/2023-08/mns-2303-11.jpg.webp?itok=GHCld40v)
Вучэнні супрацоўнікаў МНС з удзелам авіяцыі адбыліся ўдзень 23 сакавіка ў цэнтры Мінска каля Палаца спорту, паведамляе прэс-служба ведамства.
Паводле легенды вучэнняў, у 11:00 пасля кароткага замыкання электраправодкі загарэлася мэбля і элементы аздаблення ў памяшканнях бізнес-цэнтра на 7-м і 14-м паверхах на плошчы 100 квадратных метраў. Былі пацярпелыя стварылася пагроза людзям, пажар мог распаўсюдзіцца ў сумежныя памяшканні.
Ратавальнікі выкарыстоўвалі вышынную тэхніка, а таксама спецыяльную пнеўматычную канструкцыю — "куб жыцця". Акрамя таго, ратавальнікі-альпіністы адпрацоўвалі спуск пацярпелага пры дапамозе альпінісцкага рыштунку.
З даху будынка пацярпелых забіралі верталёты МНС. "Такі спосаб транспарціроўкі пацярпелых лічыцца найбольш экстраным і аператыўным, і выкарыстоўваецца для вельмі цяжкіх пацярпелых, з улікам магчымасці пасадкі верталёта", — адзначае прэс-служба ведамства.
У трэніроўцы было задзейнічана 12 машын, 2 верталёты МНС, каля 60 ратавальнікаў Мінскага гарадскога ўпраўлення МНС, работнікі Рэспубліканскага атрада спецыяльнага прызначэння, аварыйныя службы аб'екта ды іншыя ведамствы.
Такой понедельник @112by @112MINSK pic.twitter.com/PqAGbaQ9fU
— Ilya Shashkov (@indigo__ilya) March 23, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.