У цэнтры Мінска абвалілася сцяна гістарычнага будынка (фота)
У цэнтры Мінска абвалілася сцяна гістарычнага будынку па вуліцы Рэвалюцыйнай, 6. Здарэнне адбылося яшчэ зранку 4 снежня, аднак прэс-служба ратавальнікаў паведаміла пра яго толькі 7-га.
Паведамляецца, што трохпавярховы гістарычны будынак 1850 года пабудовы знаходзіцца на рэканструкцыі з рэстаўрацыяй. Пры будаўнічых работах па ўзмацненні сцен і падмурка абвалілася частка фасаднай сцяны над аркай і дзвярным праёмам на плошчы 15 кв. метраў.
Пацярпелых пры абрушэнні сцяны няма. Прычына здарэння высвятляецца.
Фота: mchs.gov.by
