У Джуліяна Асанжа здарыўся інсульт у лонданскай турме строгага рэжыму
Джуліян Асанж / Getty Images
У заснавальніка WikiLeaks Джуліяна Асанжа адбыўся інсульт у лонданскай турме строгага рэжыму Белмарш, паведамляе Daily Mail у нядзелю.
Гэта здарылася яшчэ ў кастрычніку, калі Ассанж даваў паказанні ў Высокім судзе па відэасувязі з Белмаршу. Зняволены лічыць, што інсульт адбыўся з-за стрэсу і агульнага пагаршэння ягонага здароўя.
Раней Высокі суд Лондана дазволіў экстрадаваць Асанжа ў ЗША. 10 снежня Міжнародная федэрацыя журналістаў выступіла супраць гэтага рашэння. Федэрацыя таксама звярнулася да прэзідэнта ЗША Джо Байдэна з заклікам спыніць пераслед Асанжа па палітычных матывах і зняць з яго ўсе абвінавачанні.
Заснавальнік WikiLeaks змешчаны ў лонданскую турму Белмарш за тое, што парушыў умовы вызвалення пад заклад. У ЗША супраць Асанжа вылучаны 18 крымінальных абвінавачанняў, яму пагражае да 175 гадоў турмы.
