У гонцы пераследу біятланіст Антон Смольскі заняў шостае месца
На этапе Кубка свету па біятлоне ў аўстрыйскім Хахфільцэне 11 снежня адбылася мужчынская гонка пераследу.
Наш суайчыннік Антон Смольскі заняў шостае месца, адстаўшы ад лідара на 41,8 секунды. Ён зрабіў два промахі.
Напярэдадні Смольскі трапіў у тройку прызёраў.
Дзмітрый Лазоўскі быў сёння 31-м, Раман Ялётнаў — 37-м, а Сяргей Бачарнікаў — 52-м.
Тройку лідараў склалі французскія спартоўцы: Кентэн Фіён-Мае, Эміль Жаклен і Сімон Дэст'е.
У нядзелю ў мужчын пройдзе эстафета.
