У Іране Макей паскардзіўся, што "калектыўны Захад" дамінаваў 500 гадоў
![Уладзімір Макей у Іране / mfa.ir](/sites/default/files/styles/gallery_main/public/2023-08/Ma2.jpg.webp?itok=mw-iaPgw)
Уладзімір Макей у Іране / mfa.ir
27 кастрычніка скончыўся візіт міністра замежных спраў Беларусі Уладзіміра Макея ў Іран. У яго былі сустрэчы з кіраўніцтвам краіны (на сустрэчу з прэзідэнтам Эбрахімам Раісі давялося ўзяць ахоўную маску), былі "абмеркаваны канкрэтныя ініцыятывы" і "рэалізацыя сумесных эканамічных праектаў", падпісваліся дакументы. Зусім магчыма, што галоўнае засталося "за кадрам" (у сацсетках найчасцей згадваюць іранскія беспілотнікі).
У размове з іранскімі журналістамі Макей паскардзіўся, што "калектыўны Захад" дамінаваў 500 гадоў. "Тая сітуацыя, якая была раней... абсалютна не прымальная", — кажа ён.
Візіт у Іран Макея адбываецца ў час, калі ў гэтай краіне не сціхаюць пратэсты, калі працягваецца скандал вакол паставак іранскіх баявых дронаў Расіі (іх яна выкарыстоўвае для ўдараў па Украіне). Супраць Ірана ўводзяцца санкцыі.
![У Іране Макей паскардзіўся, што "калектыўны Захад" дамінаваў 500 гадоў](/sites/default/files/styles/default_image_paragraph/public/paragraphs/image/22.JPG.webp?itok=6KFaAind)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.