У Кіеве на Майдане Народнае веча зацвердзіць склад ураду (відэа)
Яно пачнецца а 20-й гадзіне паводле беларускага часу.
Мяркуецца, што прысутным прапануюць склад "ураду народнага даверу" для зацвярджэння.
Напярэдадні Рада Майдану і прадстаўнікі палітычных партый дамовіліся пра тое, што ў склад ураду ўвойдуць прадстаўнікі грамадскасці. Як чакаецца, віцэ-прэм'ерам можа стаць лідар "Правага сектару" Дзмітро Яраш.
Перад пачаткам Народнага веча прысутныя развіталіся з памерлым ад ранаў пратэстоўцам, ураджэнцам Жытомірскай вобласці, 1975 года нараджэння, у якога засталіся двое дзяцей.
Фота — Reuters
