У Кіеве заявілі пра ўзмацненне аховы мяжы з Беларуссю
![У Кіеве заявілі пра ўзмацненне аховы мяжы з Беларуссю](/sites/default/files/styles/gallery_main/public/2023-08/000022_39666786c41fff9343257fbf0055c7bf_11259.jpg.webp?itok=QMinHic5)
У Кіеве заявілі пра ўзмацненне аховы мяжы з Беларуссю. Але пры гэтым пагрозаў з боку нашай краіны там на сённяшні дзень не бачаць. Пра гэта ў інтэрв'ю rbc.ua гаварыў кіраўнік Дзяржаўнай памежнай службы Украіны Сяргей Дэйнэка. Паводле яго слоў, у 2014 годзе ўкраінцы "выразна разумелі, што Беларусь з'яўляецца нейтральнай дзяржавай, а цяпер яна фактычна цалкам пад пратэктаратам РФ".
Дэйнэка прыгадаў абвінавачванні з боку афіцыйнага Мінска наконт перапраўкі зброі з украінскай тэрыторыі.
"Нават не хачу гэта каментаваць. На маёй памяці такое было мінімум 3 разы за апошнія 2 гады, калі асабіста [Аляксандр] Лукашэнка заяўляў, што ў Беларусь з тэрыторыі Украіны трапляе зброя незаконная, — кажа Дэйнэка. — Ні ў адным з выпадкаў гэтая інфармацыя нічым не была пацверджана".
Кіраўнік Дзяржаўнай памежнай службы Украіны афіцыйна звяртаўся да свайго беларускага калегі і "ніякіх тлумачэнняў або фактаў" не атрымаў. "Я лічу, што наогул на гэта не трэба звяртаць увагу", — кажа Сяргей Дэйнэка.
![У Кіеве заявілі пра ўзмацненне аховы мяжы з Беларуссю](/sites/default/files/paragraphs/image/1800419589300107377877683083084120612071299n1.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.