У Марыупалі паранілі кадыраўскага паплечніка Руслана Герамеева
У Марыупалі паранены Руслан Герамееў — паплечнік Рамзана Кадырава і фігурант крымінальнай справы аб забойстве расійскага апазіцыянера Барыса Нямцова.
Пра раненне Герамеева паведаміў сам Кадыраў. "На жаль, падчас далейшых баёў за горад Руслан Герамееў атрымаў раненне і трапіў у шпіталь", — напісаў ён. Кадыраў дадаў, што жыццю Герамеева пагрозы няма.
Руслан Герамееў — былы афіцэр батальёна "Поўнач". Адвакаты сям'і Нямцова казалі, што ён меркаваны арганізатар забойства палітыка.
