У мемарыяльным комплексе "Трасцянец" адбыўся пажар
![У мемарыяльным комплексе "Трасцянец" адбыўся пажар](/sites/default/files/styles/gallery_main/public/2023-08/trascianiec-2704.jpg.webp?itok=LfmEuNoU)
27 красавіка ў 3:30 мінскія ратавальнікі атрымалі паведамленне пра пажар у Заводскім раёне, перадае прэс-служба МНС.
Агонь узнік на тэрыторыі мемарыяльнага комплексу "Трасцянец". Там загарэўся драўляны макет назіральнай вышкі. У выніку пажару пашкоджаная драўляная ашалёўка вышкі на плошчы 2 квадратныя метры.
Прычына пажару высвятляецца.
Трасцянец быў адным з найбуйнейшых нацысцкіх лагераў смерці у Еўропе. Паводле розных ацэнак, тут пахаваныя каля 200 тысяч чалавек. У савецкі час інфармацыя пра канцлагер замоўчвалася. Яго тэрыторыя была ўпарадкаваная толькі ў апошнія гады.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.