У Мінску адзначаць народзіны паэта Анатоля Сыса
![У Мінску адзначаць народзіны паэта Анатоля Сыса](/sites/default/files/styles/gallery_main/public/2023-08/sys123.jpg.webp?itok=G4zNDBAL)
25 кастрычніка ў канферэнц-зале гатэля "Мінск" прыхільнікі беларускай паэзіі адзначаць 60-годдзе з дня нараджэння Анатоля Сыса. Гэта той самы паэт, што напісаў верш "Адпусціце мяне, Курапаты". Многія рэпосцяць яго зараз, нават не ведаючы аўтарства. Але Анатоль Сыс стаўся адной з найбольш яркіх постацяў белліту 90-х.
У чым унікальнасць ягонай творчасці? Як захоўвалася памяць пра паэта пасля яго смерці? Што адбываецца ў ягонай роднай вёсцы?
Пра гэта ды іншае размаўляем з намеснікам старшыні саюза Беларускіх пісьменнікаў Усеваладам Сцебуракам і са спявачкай Касяй Камоцкай.