У Мінску часова закрылася амбасада Ізраіля

У Мінску з 30 кастрычніка часова закрылася амбасада Ізраіля. Прычына — страйк ізраільскага дыпламатычнага ведамства. Справа ў тым, што Мінфін Ізраіля вырашыў спагнаць з дыпламатаў прадстаўнічыя выдаткі, не падмацаваныя квітанцыямі, інфармуе svaboda.org.

Амбасады спыняюць працу па ўсім свеце. Ніякіх паслуг грамадзянам там не будуць аказваць. У МЗС Ізраіля спадзяюцца, што "крызіс будзе хутка вырашаны".

"Гэты страйк унутраны і не мае дачынення ні да Беларусі, ні да якой-небудзь краіны", — паведамілі БЕЛТА ў амбасадзе.

Папярэднія страйкі ізраільскіх дыпламатаў адбываліся ў 2013-2014 гадах. Сярод іх патрабаванняў было павышэнне заробкаў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.