У Мінску міліцыянера збівалі металічным ланцугом
![У Мінску міліцыянера збівалі металічным ланцугом](/sites/default/files/styles/gallery_main/public/2023-08/u1j1zvsjmsdvepqbkmda.jpg.webp?itok=VBi8_FVF)
У Мінску напалі на міліцыянера. Як паведамляе прэс-служба МУС, супрацоўнік дэпартамента аховы, які не быў на службе, стаў сведкам канфлікту двух мужчын у двары дома па праспекце Незалежнасці. Адзін з іх, 36-гадовы мінчук, быў з сабакам. Ён спачатку пагражаў міліцыянеру, а пасля стаў наносіць яму ўдары металічным ашыйнікам-ланцугом.
Зламысніка ўдалося затрымаць толькі калі з'явілася падмацаванне. У яго зафіксавалі 1,8 праміле. Распачата крымінальная справа.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.