У Мінску на адным з скрыжаванняў перакулілася "хуткая"
У пятніцу ў Мінску на скрыжаванні вуліц Сурганава і Леаніда Бяды перакулілася "хуткая". Аўтамабіль трапіў у аварыю — сутыкнуўся з Suzuki. Як паведамляе прэс-служба ДАІ, "хуткая" ехала з уключанай сігналізацыяй на забараняльны сігнал святлафора. У выніку сутыкнення аўтамабіляў пацярпеў фельчар — яго завезлі для агляду ва ўстанову аховы здароўя.
У лютым сёлета аўтамабілі хуткай меддапамогі траплялі ў аварыю ў Мінску і Брэсце. На шчасце, ніхто з людзей не пацярпеў.
ДАІ
