У Мінску пахавалі вядомага мовазнаўцу і журналіста Юрася Бушлякова
У апошні шлях яго праводзілі пад бел-чырвона-белым сцягам.
Юрась Бушлякоў памёр ад раку ў 40 гадоў. Развітацца з ім прыйшлі ягоныя родныя, бліжэйшыя сябры і паплечнікі — а гэта вядомыя ў краіне літаратары, навукоўцы, журналісты, выкладчыкі і студэнты. Дзясяткі людзей неслі да труны белыя і чырвоныя кветкі, запальвалі свечкі і казалі словы памяці, інфармуе Радыё Свабода.
Бушлякоў — мовазнаўца, кандыдат філалагічных навук. Ён працаваў на радыёстанцыі 101,2, пасля на радыё “Рацыя”. Ад пачатку 2000-х быў супрацоўнікам беларускай службы Радыё "Свабода".
Пахавалі Юрася Бушлякова на Паўночных могілках сталіцы.
Фота — Радыё Свабода
