У Мінску шасцігадовы хлопчык захрас у вадаправоднай трубе
![У Мінску шасцігадовы хлопчык захрас у вадаправоднай трубе](/sites/default/files/styles/gallery_main/public/2023-08/truba-2904-3.jpg.webp?itok=pOzU_tr8)
28 красавіка ў 20:08 мінскім ратавальнікам затэлефанавала жанчына. Яна паведаміла, што яе сыну трэба дапамога, бо нага хлопчыка захрасла ў трубе на будоўлі па вуліцы Талстога.
Высветлілася, што шасцігадовы хлопчык падчас прагулкі з бацькамі ўцёк на будаўнічую пляцоўку. Там ішла замена вадаправодных трубаў. Дзіця залезла ў трубу, а самастойна вылезці не змагло, адзначае прэс-служба МНС.
Ратавальнікі дасталі хлопчыка з трубы з дапамогай падручных інструментаў. Пры інцыдэнце дзіця не пацярпела
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.