У Наваполацку МАЗ сутыкнуўся з вагонам грузавога цягніка (фота, відэа)
Інцыдэнт адбыўся 11 чэрвеня на чыгуначным пераездзе ў прамзоне Наваполацка.
Як паведамляе прэс-служба выратавальнікаў, кіроўца грузавіка, праязджаючы цераз чыгуначны пераезд, не пераканаўся ў адсутнасці цягніка. У выніку яго аўтамабіль сутыкнуўся з канцавым вагонам, бо цеплавоз штурхаў вагоны перад сабой.
47-гадовы кіроўца быў заблакаваны ў аўтамабілі МАЗ. Канцавы вагон таварняка сышоў з рэек і перакуліўся. Машыніст лакаматыва не пацярпеў.
Выратавальнікі пры дапамозе гідраўлічнага аварыйна-выратавальнага абсталявання дасталі кіроўуц МАЗа і перадалі перададзены брыгадзе хуткай меддапамогі. З траўмамі рознай ступені цяжкасці ён дастаўлены ў лякарню.
Каб прадухіліць узгаранне дызельнага паліва, разлітага з бака аўтамабіля МАЗ, пры дапамозе генератара пены створаная паветрана-пенная падушка.
Фота — mchs.gov.by
