У нядзелю будзе цёпла, пройдуць дажджы
У бліжэйшыя суткі, 6 жніўня, у Беларусі чакаецца надвор’е з пераменнай хмарнасцю. Уначы па захадзе, удзень на большай частцы тэрыторыі краіны пройдуць кароткачасовыя дажджы. Удзень у асобных раёнах чакаюцца навальніцы.
Вецер будзе слабым уначы, удзень — паўднёва-заходні з пераходам на паўночна-заходні ўмеркаваны, пры навальніцах парывісты.
Тэмпература паветра ўначы складзе 12-18 градусаў, удзень будзе 20-26 градусаў, па паўднёвым усходзе — 27-30 градусаў, перадае БЕЛТА са спасылкай на Белгідрамет.
