У Рэчыцы ўначы суседзі выратавалі з агня дзяцей і іх бабулю
![У Рэчыцы ўначы суседзі выратавалі з агня дзяцей і іх бабулю](/sites/default/files/styles/gallery_main/public/2023-08/p8290088.jpg.webp?itok=Z3HjAg87)
У Рэчыцы ўначы 29 жніўня суседзі выратавалі з агня двух дзяцей і іх бабулю. Як інфармуе прэс-служба МНС, адным з суседзяў аказаўся ратавальнік, падпалкоўнік унутранай службы Уладзімір Клімовіч. Ён пачуў, як лопаецца шыфер на даху суседняга прыватнага дома, апраўнуўся і пабег на дапамогу. Да яго далучыўся яго былы калега, яшчэ адзін сусед Алег Варашылін. Яны зайшлі ў дом, які гарэў, і вынеслі спячых дзяцей — 8-гадовага хлопчыка і 4-гадовую дзяўчынку, а таксама вывелі жанчыну. Ніхто патрэбы ў меддапамозе не меў.
Агонь пашкодзіў дах дома на плошчы 80 квадратных метраў. Мяркуецца, што прычынай узгарання стала кароткае замыканне электраправодкі.