Сіноптыкі: У сераду ў Беларусі чакаюцца навальніцы
27 жніўня прагназуецца воблачнае з праясненнямі надвор'е.
На большай частцы тэрыторыі нашай краіны пройдуць кароткачасовыя дажджы. Удзень месцамі прагрымяць навальніцы. Сіноптыкі прагназуюць паўднёва-заходні вецер 4-9 метраў за секунду, пры навальніцы парывы могуць дасягаць 14 метраў за секунду, інфармуе БЕЛТА.
Тэмпература паветра ўначы складзе 7-12 градусаў вышэй за нуль, а па паўночным захадзе Беларусі — ад 5 да 6 градусаў цяпла. Днём будзе +14...+20 градусаў.