У Сірыі забіты грамадзянін Беларусі, жыхар Гродна? (фота)
![У Сірыі забіты грамадзянін Беларусі, жыхар Гродна? (фота)](/sites/default/files/styles/gallery_main/public/2023-08/34545_900.png.webp?itok=H8IIcsIa)
У Сірыі мог быць забіты грамадзянін Беларусі, жыхар Гродна, які ваяваў на баку тэрарыстычнай "Ісламскай дзяржавы". Яго дакументы апублікаваў курдскі сайт Kurdish Daily News і першым іх заўважыў блогер silverrebel.
Сярод дакументаў ёсць пасведчанне, выдадзенае ў Аўстрыі, на імя нейкага Дзяніса Васільева. Ён атрымаў дазвол на пражыванне і працу ў горадзе Брэгенц. Васільеву было 33 гады. На адным з дакументаў пазначана яго ранейшым месцам жыхарства Гродна.
Курды сцвярджаюць, што ў Сірыю Дзяніс Васільеў трапіў з Нямеччыны праз Турцыю. Ён ваяваў у складзе тэрарыстаў у раёне сірыйска-іракскай мяжы. Загінуў мужчына падчас наступлення курдскіх войскаў і вызвалення горада Сінджар. Сцвярджаецца, што ён, нібыта, летась прымаў удзел у масавых забойствах курдаў-езідаў.
Kurdish Daily News піша, што загінулы быў чачэнцам, які нейкі час жыў у Беларусі.
Фота: Kurdish Daily News
![У Сірыі забіты грамадзянін Беларусі, жыхар Гродна? (фота)](/sites/default/files/paragraphs/image/34244900.png)
![У Сірыі забіты грамадзянін Беларусі, жыхар Гродна? (фота)](/sites/default/files/paragraphs/image/34569900.png)