У кішэні - чэкі з McDonald's, побач з целам - сшытак. Справа Коржыча. 16-ы дзень
Трэці тыдзень у Мінску працягваюць разглядаць крымінальную справу аб гібелі 21-гадовага салдата тэрміновай службы Аляксандра Коржыча ў навучальным цэнтры ў Печах. Абвінавачванне выстаўлена тром сяржантам: Яўгену Бараноўскаму, Ягору Скуратовічу і Антону Вяжэвічу. На пасяджэнні 29 жніўня ў судзе выступіў сведка Андрэй Заяц. Менавіта ён знайшоў цела Аляксандра Коржыча павешаным ў падвале медыцынскай роты. Сяржант даваў паказанні з клеткі, паколькі сам асуджаны за дзедаўшчыну ў траўні 2018 года.
"Вечар быў спакойны, сышлі адпачываць. Звычайная служба ва наразе. Перад тым, як здаць пост, пайшоў у падвал, каб узяць шанцавы інструмент... і ўбачыў там... чалавека..., які вісіць на чымсці", — распавядаў Заяц суду пра тое, як знайшоў Коржыча.
Калегі апісваюць Зайца як дзіўнага сяржанта. Напрыклад, на ўчорашнім пасяджэнні сведка Эрнэст Субоцкі распавёў: "Ведаць яго не ведаю, але чуў пра яго ад іншых сваіх таварышаў па службе. Чуў тое, што неадэкватна сябе паводзіў. Гэта ўсё са слоў іншых салдатаў. Напрыклад, што ён мог падняць роту, сесці перад імі на шпагат і сказаць: "Дабранач!".
Цела Аляксандра Коржыча знайшлі ў пятлі ў склепе медыцынскай роты вайсковай часткі 3 кастрычніка 2017 года. Ён правісеў ў пятлі тыдзень. У салдата былі звязаны ногі, а на галаву надзетая майка. Расследванне гучнай справы доўжыўся паўгода, разглядаліся тры версіі гібелі. У красавіку 2018 года Следчы камітэт Беларусі паведаміў, што Коржыча давялі да самагубства калегі. Маці салдата ў гэтую версію не верыць, а пацярпелыя салдаты кажуць, што ў Аляксандра Коржыча не было прычын зводзіць рахункі з жыццём.
