У верасні ў Беларусі зменшыўся і сярэдні наяўны, і рэальны заробак

Паводле звестак Нацыянальнага статыстычнага камiтэта, сярэдні наяўны заробак у вераснi склала 1 млн 23 тыс. рублёў. Гэта на 20,5 тыс. рублёў, або на 2 працэнты менш, чым у жнiўнi. У цэлым за сёлетнiя студзень—верасень адносна аналагiчнага перыяду мiнулага года рост сярэдняй рэальнай зарплаты па краiне склаў 0,6%. Але ў Магiлёўскай i Мiнскай абласцях рэальны заробак зменшыўся. Як зменшыўся i рэальная заробак па Беларусi ў вераснi ў параўнаннi са жнiўнем — на 2,3%.

Газета "Звязда" паведамляе, што найбольшы сярэднi заробак ў вераснi быў адзначаны ў палiўнай прамысловасцi — 1 млн 820,1 тыс. У той жа час у вераснi значна нiжэйшым за сярэднi па краiне быў агульны ўзровень аплаты працы ў лясной, дрэваапрацоўчай i цэлюлозна-папяровай прамысловасцi (886,8 тыс.), шкляной i фарфорава-фаянцавай прамысловасцi (864,2 тыс.), лясной гаспадарцы (835,4 тыс.), ахове здароўя (774,4 тыс.), культуры i мастацтве (735,9 тыс.), сельскай гаспадарцы (722,5 тыс.), лёгкай прамысловасцi (719,9 тыс.), адукацыi (674,1 тыс.) i сацыяльным забеспячэннi (585,2 тыс. рублёў).