Уначы побач з Зямлёй праляціць астэроід памерам з дзевяціпавярховы дом
Нябеснае цела пад назвай DX-110 было выяўлена ў канцы лютага з дапамогай комплексу Пэн-Старс на Гаваях.
Астэроід значна большы за метэарыт, які ўпаў год таму пад Чалябінскам. Спецыялісты з NASA супакоілі зямлян — асцерагацца сутыкнення з астэроідам не варта. Адлегласць паміж яго траекторыяй і зямной арбітай будзе амаль 300 тысяч кіламетраў.
Убачыць няўзброеным вокам астэроід не атрымаецца. Для гэтага неабходны хаця б напаўпрафесійны тэлескоп, адзначае тэлеканал "Беларусь 1".
