Урад Украіны выдзеліў $1,5 млн, каб перашкодзіць уцёкам у Беларусь свае зямлі

Каля паўтара мільёны долараў выдзяліў украінскі ўрад на правядзенне працаў па ўмацаванні берагоў Дняпра ў Чарнігнаўскай вобласці, дзе з-за змянення рэчышча ракі 660 гектараў украінскай тэрыторыі неўзабаве могуць стаць беларускімі.
Як паведамляе агенцтва Regnum, працы ў Рэпкінскім раёне ўжо пачаліся. На месцы працуюць спецыялісты прадпрыемства "Чарнігаўводбуд".

Нагадаем, раней галоўнае ўпраўленне МНС па Чарнігаўскай вобласці звярнулася да прэзідэнта Віктара Юшчанкі і прэм'ер-міністра Юліі Цімашэнкі з просьбай аб выдзяленні грошай.

Глядзі таксама па тэме: Дняпро рэгулярна адразае кавалкі Чарнігаўшчыны на карысць Беларусі!