"Узаемна" — 2 лютага музыкі адзначаць народзіны Каліноўскага
!["Узаемна" — 2 лютага музыкі адзначаць народзіны Каліноўскага](/sites/default/files/styles/gallery_main/public/2023-08/_109133-8a763.jpg.webp?itok=GfyJQJqW)
Адмысловым фэстам вырашылі адзначыць музыканты дзень народзінаў Кастуся Каліноўскага. Назву абралі адпаведную — "Узаемна". Узяць удзел у фэсце запрошаныя не толькі такія знаныя гурты, як "Дзецюкі", "Стары Ольса", Znich&Rutvica, "У нескладовае", зладзілі конкурс таксама для маладых гуртоў. Каб даць магчымасць пераможцам конкурсу выйсці на сцэну разам з "мэтрамі".
Чым адметны фэст "Узаемна" і якія цікавосткі чакаюць слухачоў? Навошта было ладзіць конкурс для маладых выканаўцаў і ці здолелі арганізатары пазбегнуць канфліктаў падчас вызначэння пераможцы?
На гэтыя ды іншыя пытанні ў жывым эфіры Еўрарадыё адказваюць арганізатар фэсту "Узаемна" прадзюсар Віталь Супрановіч, музыка Алесь Таболіч, пераможца конкурсу гуртоў фэсту Ульяна з гурта Atesta.
Трансляцыю са студыі можна будзе паглядзець у сацсетках: Facebook, "ВКонтакте", "Аднакласнікі". Там жа задавайце нашым гасцям пытанні!