Ва Украіне загінулі яшчэ некалькі беларускіх добраахвотнікаў
Імавернае месца гібелі добраахвотнікаў / t.me/terrorbel/
Ва Украіне загінулі яшчэ некалькі беларускіх добраахвотнікаў. Гэта байцы батальёна "Тэрор", які ўваходзіць у склад Беларускага добраахвотніцкага корпуса. "Вы годна выканалі баявую задачу на Усходзе. На жаль, апошнюю для вас. Сустрэнемся ў Вальхале, браты", — піша тг-канал "Тэрору".
Колькасць загінулых і абставіны не паведамляюцца. На далучаным фота руіны будынка, дзе імаверна адбыўся апошні бой добраахвотнікаў.
Беларускі добраахвотніцкі корпус 3 кастрычніка паведаміў толькі, што 66-а асобная механізаваная брыгада Узброеных сіл Украіны выказала яму падзяку "за паспяховую супрацу на самых складных дзялянках фронту, даручаных ёй". Асобна камандзір брыгады Юрый Дворскі "адзначыў выніковыя дзеянні нашых дыверсійна-выведвальных груп".
