Вікторыя Азаранка патрапіла на выніковы турнір у Досе

Вікторыя Азаранка, а таксама амерыканская тэнісістка Вінус Уільямс, забяспечылі сабе ўдзел у выніковым турніры года, які пройдзе ў Досе, сталіцы Катара, з 27 кастрычніка па 1 лістапада.
Вакантным засталося толькі адно месца, на якое прэтэндуюць сербка Алена Янкавіч, расіянка Вера Званарова і італьянка Флавія Пенета.

Раней у васьмёрку наймацнейшых тэнісістак свету трапілі Дынара Сафіна, Серэна Ўільямс, Алена Дзяменцева, Святлана Кузняцова і Каралін Вазняцкі.