"Выдаліць Facebook?": Time змясціў на вокладку калаж з Цукербергам
![Вокладка новага нумара Time](/sites/default/files/styles/gallery_main/public/2023-08/screenshot-s0.rbk_.ru-2021.10.07-22_22_23.png.webp?itok=MOUtv1LJ)
Вокладка новага нумара Time
Амерыканскі часопіс Time змясціў на вокладку заснавальніка кампаніі Facebook Марка Цукерберга. Па-над здымкам Цукерберга змешчана акно пацверджання. На ім напісана "Выдаліць Facebook?" і прапанаваныя варыянты "Выхад" і "Выдаліць".
У нумары з гэтай вокладкай выйшла аўтарская калонка амерыканскага бізнесмена і інвестара Роджэра Макнамі. На думку аўтара, Facebook "сам сябе не выправіць". У якасці рашэння Макнамі прапануе тры меры — стварыць адмысловага рэгулятара, забараніць Facebook выкарыстоўваць канфідэнцыйную інфармацыю карыстальнікаў і абнавіць антыманапольнае заканадаўства ЗША.
Як паведамляла Еўрарадыё, на гэтым тыдні ў працы Facebook, WhatsApp і Instagram адбыўся глабальны збой. Карыстальнікі скардзіліся на працу сайтаў і прыкладанняў гэтых сацсетак, а таксама на злучэнне з серверамі.
!["Удалить Facebook?": Time поместил на обложку коллаж с Цукербергом](/sites/default/files/paragraphs/image/756336303408469.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.