Выйшаў на волю палітык Андрэй Дзмітрыеў

На волю выйшаў Андрэй Дзмітрыеў. Палітык цалкам адбыў свой тэрмін: 1,5 года ён знаходзіўся у папраўчай калоніі №3 у Віцебкай вобласці.

Пра вызваленне Дзмітрыева стала вядома са словаў яго блізкага сябра, з якім паразмаўлала Радыё Свабода.

— Тыдзень дакладна ні з кім размаўляць не будзе, хоча апрытомець. Пра апошнія месяцы ў калоніі распавядаў, што змяніў прафесію, замест ачысткі дратоў збіраў зэдлікі ды іншую простую мэблю.

У вольны час чытаў, наведваў спартовую пляцоўку, пры магчымасьці хадзіў у храм. Ні на што не скардзіўся.

Прадчуваючы затрыманне, палітык запісваў зварот з заклікам не падаць духам. Пакуль ён быў за кратамі, памерла яго маці, з якой Дзмітрыеў не змог развітацца.