Як улады “падтрымліваюць” пенсіянераў і бацькоў за кошт інфляцыі
“Я так разумею, што падвышэнні звязаныя з інфляцыяй”, — каментуе Еўрарадыё навуковы супрацоўнік цэнтра эканамічных даследаванняў BEROC Алег Мазаль рашэнне ўладаў падвысіць пенсіі беларускім пенсіянерам у новым годзе.
Таксама з 1 лютага анансуецца падвышэнне дапамогі дзецям ва ўзросце да трох гадоў.
Замест таго, каб падтрымліваць сілавы блок, лепш даць жыллё шматдзетным
“Пасля падвышэння дапамога на першае дзіця складзе Br605,99, на другое і наступных дзяцей — Br692,56, на дзіця-інваліда — Br779,13. Памеры дапамогі выраслі на 9%”, — паведамляюць у прэс-службе Міністэрства працы і сацыяльнай абароны.
“Гэта не вельмі дапаможа сем’ям, — упэўнены эксперт BEROC. — Калі паглядзець, у Беларусі шматдзетныя сем’і — гэта сем’і з самай высокай рызыкай беднасці. Таму ў Беларусі трэба дапамагаць гэтым людзям, але проста падвышэнне дапамогі справы не зробіць, бо адной з галоўных турбот такіх сем’яў з’яўляецца нястача жылля. Калі ўлады будуць дапамагаць жыллём, гэта можа і зробіць надвор’е.
Трэба будаваць жыллё для гэтых сем’яў. Гэта не толькі ім дапаможа, але і самой эканоміцы. Замест таго, каб дапамагаць чыноўнікам, сілавому блоку, нейкім міліцыянтам, лепш выкарыстоўваць дзяржаўныя грошы на дапамогу шматдзетным сем’ям”.
Пенсіі падвышалі і ў “саўку”
Што тычыцца падтрымкі пенсіянераў, дык усё гэта робіцца выключна, “каб купіць іх лаяльнасць”, мяркуе Алег Мазаль.
