Ярмошына: “Што рабіць! Адмоўлюся прымаць падарункі як жанчына”
Старшыня Цэнтрвыбаркаму Лідзія Ярмошына разам з калегамі падарункі з’ядае. Сяргей Гайдукевіч у якасці дзяржчыноўніка падарункаў не прымае, але просіць прыносіць іх яму ў офіс партыі -- як лідэру ЛДПБ. Намесніку міністра эканомікі Андрэю Туру за час працы падарылі толькі мяч. Што робіць са сваімі падарункамі прэзідэнт, яго прэс-сакратар Павел Лёгкі не ведае. У сакавіку дэпутаты плануюць прыняць закон, які забароніць дзяржслужачым прымаць падарункі, кошт якіх больш за 175 тысяч рублёў. Калі менш – можна пакідаць сабе, а даражэйшыя – перадаваць у прыбытак дзяржаве. Еўрарадыё вырашыла даведацца, якія падарункі чыноўнікі атрымлівалі і што з імі рабілі.
Старшыня Цэнтрвыбаркаму Лідзія Ярмошына паскардзілася Еўрарадыё, што памяшкання пад музей падарункаў у іх няма. Таму, калі дораць цукеркі – іх з’ядаюць, а карціны, дываны і вазы альбо выкарыстоўваюць для ўпрыгожвання Цэнтрвыбаркаму, альбо перадорваюць.
Лідзія Ярмошына: “Падарункі выкарыстоўваюцца па двух прызначэннях. Калі гэта ядомае – яго з’ядаюць, цукеркі, да прыкладу, усе разам. Калі гэта карціны, абрусы ці нейкія вырабы народных промыслаў, то яны выкарыстоўваюцца самой Цэнтральнай камісіяй. У вазы ставяцца кветкі, карціны вывешваюцца на сцены. Альбо перадорваюцца. Бо нам часцяком даводзіцца выязджаць у камандзіроўкі”.
Па яе словах, яна толькі рада будзе, калі дэпутаты прымуць такі закон: не трэба будзе думаць, дзе знайсці грошы на падарунак, і можна будзе абмежавацца кветкамі. А ад дарагіх падарункаў можна будзе лёгка адмаўляцца. Нават калі іх будуць прапаноўваць ёй не як старшыні, а як жанчыне.
Лідзія Ярмошына: “Што рабіць! Адмоўлюся прымаць як жанчына. Скажу, што тут я перш за ўсё старшыня. Вось калі мяне выправадзяць на пенсію, тады я буду жанчынай. Хаця, напэўна, тады я буду бабкай”.
Намеснік міністра эканомікі Андрэй Тур прызнаўся, што яму падарункі дораць толькі на дзень народзінаў. За ўвесь час працы ў міністэрстве толькі і падарылі, што футбольны мяч.
Андрэй Тур: “Толькі калі дзень народзінаў. Але я не лічу, што гэта падарункі дзяржслужбоўцу. Адзін раз толькі мяч нейкі падарылі. Ён стаіць у мяне ў шафе”.
Лідэр ЛДПБ Сяргей Гайдукевіч здзівіў Еўрарадыё заявай, што такім людзям, як ён, больш вядомым, чым нават які міністр ці віцэ-прэм’ер, падарункі дарыць не прынята.
Сяргей Гайдукевіч: “Я ж не міністр, не віцэ-прэм’ер – я значна больш. У Беларусі па вядомасці параўнальнага са мной дзяржчыноўніка я не ведаю. І мне, можаце верыць, можаце – не, ніхто не прапаноўваў ніякага падарунку!”
Але, як высветлілася, гэта непаразуменне тычыцца толькі Гайдукевіча-чыноўніка. Гайдукевічу – партыйнаму лідэру дораць шмат і рознага. Праўда, не ўдакладніў што.
Сяргей Гайдукевіч: “Як старшыні партыі – пытанняў няма! Падарункі я атрымліваў і дастаткова сур’ёзныя”.
І патлумачыў, як разабрацца, дзе чыноўнік, а дзе лідэр.
Сяргей Гайдукевіч: “Прыходзьце ў офіс партыйны, і я згодны прыняць падарунак як старшыня партыі. Бо там я старшыня партыі, а не дзяржчыноўнік”.
Міністру абароны Леаніду Мальцаву, па словах прэс-сакратара Вячаслава Раменчыка, зброі, як гэта не дзіўна, не дораць. У асноўным – сувеніры з ваеннай сімволікай. Іх міністр аддае ў спецыяльна створаны ў міністэрстве музей.
Вячаслаў Раменчык: “У асноўным, падчас міжнародных сустрэч, дораць сувеніры, якія сімвалізуюць краіну, з якой да нас прыехалі альбо якую мы наведваем. У асноўным гэта сувеніры з ваеннай сімволікай”.
А вось у кіраўніка дзяржавы Аляксандра Лукашэнкі свайго музея падарункаў няма. Пра гэта Еўрарадыё расказаў кіраўнік яго прэс-службы Павел Лёгкі. І прызнаўся, што не ведае далейшы лёс атрыманых прэзідэнтам падарункаў.
Павел Лёгкі: “Я ніколі гэтым не цікавіўся. Уласна кажучы, ніколі такіх пытанняў, колькі я тут працую, не задавалі. Не, праўда, я не ведаю”.
Па словах прэс-сакратара, прэзідэнт таксама з’яўляецца законапаслухмяным дзяржслужбоўцам. Але каб даведацца, ці не давядзецца яму адмаўляцца ад дарагіх падарункаў, трэба будзе пракансультавацца ў юрыстаў.
Павел Лёгкі: “Прэзідэнт з’яўляецца законапаслухмяным дзяржслужбоўцам. У гэтым няма сумненняў. Але тут трэба параіцца з юрыстамі”.
І паабяцаў параіць кіраўніку дзяржавы стварыць свой музей падарункаў.
Былому старшыні Нацыянальнага банку Станіславу Багданкевічу часцей за ўсё калегі дарылі карціны, а прадстаўнікі іншых Нацыянальных банкаў – юбілейныя манеты. Карціны, кажа, вісяць зараз у яго дома, а манеты – што ў яго, што ў музеі Нацбанка. Самымі ж запамінальнымі сталі кавун ад прэзідэнта Туркменістанскага банка і каньяк – ад грузінскага.
Станіслаў Багданкевіч: “Туркменістанскі прэзідэнт банку прыслаў мне кавун вельмі салодкі. Я гэта запомніў на ўсё жыццё. Такіх кавуноў ні ва Украіне, ні ў Беларусі няма. Грузіны каньячны набор падносілі, Нацбанк Грузіі. Памятаю з Арменіі бачонак віна быў. Але ж ці гэта падарунак?! Выпілі і ўсё!”
Калі закон прымуць, дарагія падарункі чыноўнікі павінны будуць аддаваць дзяржаве. Вось толькі дэпутаты нічога не сказалі, які лёс напаткае гэтыя падарункі далей.
Старшыня Цэнтрвыбаркаму Лідзія Ярмошына паскардзілася Еўрарадыё, што памяшкання пад музей падарункаў у іх няма. Таму, калі дораць цукеркі – іх з’ядаюць, а карціны, дываны і вазы альбо выкарыстоўваюць для ўпрыгожвання Цэнтрвыбаркаму, альбо перадорваюць.
Лідзія Ярмошына: “Падарункі выкарыстоўваюцца па двух прызначэннях. Калі гэта ядомае – яго з’ядаюць, цукеркі, да прыкладу, усе разам. Калі гэта карціны, абрусы ці нейкія вырабы народных промыслаў, то яны выкарыстоўваюцца самой Цэнтральнай камісіяй. У вазы ставяцца кветкі, карціны вывешваюцца на сцены. Альбо перадорваюцца. Бо нам часцяком даводзіцца выязджаць у камандзіроўкі”.
Па яе словах, яна толькі рада будзе, калі дэпутаты прымуць такі закон: не трэба будзе думаць, дзе знайсці грошы на падарунак, і можна будзе абмежавацца кветкамі. А ад дарагіх падарункаў можна будзе лёгка адмаўляцца. Нават калі іх будуць прапаноўваць ёй не як старшыні, а як жанчыне.
Лідзія Ярмошына: “Што рабіць! Адмоўлюся прымаць як жанчына. Скажу, што тут я перш за ўсё старшыня. Вось калі мяне выправадзяць на пенсію, тады я буду жанчынай. Хаця, напэўна, тады я буду бабкай”.
Намеснік міністра эканомікі Андрэй Тур прызнаўся, што яму падарункі дораць толькі на дзень народзінаў. За ўвесь час працы ў міністэрстве толькі і падарылі, што футбольны мяч.
Андрэй Тур: “Толькі калі дзень народзінаў. Але я не лічу, што гэта падарункі дзяржслужбоўцу. Адзін раз толькі мяч нейкі падарылі. Ён стаіць у мяне ў шафе”.
Лідэр ЛДПБ Сяргей Гайдукевіч здзівіў Еўрарадыё заявай, што такім людзям, як ён, больш вядомым, чым нават які міністр ці віцэ-прэм’ер, падарункі дарыць не прынята.
Сяргей Гайдукевіч: “Я ж не міністр, не віцэ-прэм’ер – я значна больш. У Беларусі па вядомасці параўнальнага са мной дзяржчыноўніка я не ведаю. І мне, можаце верыць, можаце – не, ніхто не прапаноўваў ніякага падарунку!”
Але, як высветлілася, гэта непаразуменне тычыцца толькі Гайдукевіча-чыноўніка. Гайдукевічу – партыйнаму лідэру дораць шмат і рознага. Праўда, не ўдакладніў што.
Сяргей Гайдукевіч: “Як старшыні партыі – пытанняў няма! Падарункі я атрымліваў і дастаткова сур’ёзныя”.
І патлумачыў, як разабрацца, дзе чыноўнік, а дзе лідэр.
Сяргей Гайдукевіч: “Прыходзьце ў офіс партыйны, і я згодны прыняць падарунак як старшыня партыі. Бо там я старшыня партыі, а не дзяржчыноўнік”.
Міністру абароны Леаніду Мальцаву, па словах прэс-сакратара Вячаслава Раменчыка, зброі, як гэта не дзіўна, не дораць. У асноўным – сувеніры з ваеннай сімволікай. Іх міністр аддае ў спецыяльна створаны ў міністэрстве музей.
Вячаслаў Раменчык: “У асноўным, падчас міжнародных сустрэч, дораць сувеніры, якія сімвалізуюць краіну, з якой да нас прыехалі альбо якую мы наведваем. У асноўным гэта сувеніры з ваеннай сімволікай”.
А вось у кіраўніка дзяржавы Аляксандра Лукашэнкі свайго музея падарункаў няма. Пра гэта Еўрарадыё расказаў кіраўнік яго прэс-службы Павел Лёгкі. І прызнаўся, што не ведае далейшы лёс атрыманых прэзідэнтам падарункаў.
Павел Лёгкі: “Я ніколі гэтым не цікавіўся. Уласна кажучы, ніколі такіх пытанняў, колькі я тут працую, не задавалі. Не, праўда, я не ведаю”.
Па словах прэс-сакратара, прэзідэнт таксама з’яўляецца законапаслухмяным дзяржслужбоўцам. Але каб даведацца, ці не давядзецца яму адмаўляцца ад дарагіх падарункаў, трэба будзе пракансультавацца ў юрыстаў.
Павел Лёгкі: “Прэзідэнт з’яўляецца законапаслухмяным дзяржслужбоўцам. У гэтым няма сумненняў. Але тут трэба параіцца з юрыстамі”.
І паабяцаў параіць кіраўніку дзяржавы стварыць свой музей падарункаў.
Былому старшыні Нацыянальнага банку Станіславу Багданкевічу часцей за ўсё калегі дарылі карціны, а прадстаўнікі іншых Нацыянальных банкаў – юбілейныя манеты. Карціны, кажа, вісяць зараз у яго дома, а манеты – што ў яго, што ў музеі Нацбанка. Самымі ж запамінальнымі сталі кавун ад прэзідэнта Туркменістанскага банка і каньяк – ад грузінскага.
Станіслаў Багданкевіч: “Туркменістанскі прэзідэнт банку прыслаў мне кавун вельмі салодкі. Я гэта запомніў на ўсё жыццё. Такіх кавуноў ні ва Украіне, ні ў Беларусі няма. Грузіны каньячны набор падносілі, Нацбанк Грузіі. Памятаю з Арменіі бачонак віна быў. Але ж ці гэта падарунак?! Выпілі і ўсё!”
Калі закон прымуць, дарагія падарункі чыноўнікі павінны будуць аддаваць дзяржаве. Вось толькі дэпутаты нічога не сказалі, які лёс напаткае гэтыя падарункі далей.