Былая палітзняволеная Алеся Буневіч выехала за мяжу і ўз'ядналася з сям'ёй

Былая палітзняволеная Алеся Буневіч выехала за мяжу і ўз'ядналася з сям'ёй, паведамляе "Наша ніва".

Буневіч была за кратамі ў Беларусі з красавіка 2022 года. Тады прапагандысты паведамілі пра затрыманне сузаснавальніцы віленскай друкарні і крамы, якая прыехала ў РБ, каб дапамагчы групе "рэйкавых' партызан" у пераходзе мяжы. У лістападзе 2022-га Алеся Буневіч была асуджана на тры з паловай гады калоніі агульнага рэжыму за "наўмыснае незаконнае перасячэнне дзяржаўнай мяжы Рэспублікі Беларусь, здзейсненае арганізаванай групай" (спачатку яе абвінавачвалі ў "акце тэрарызму", але пасля адбылася перакваліфікацыя). Сваёй віны Буневіч не прызнала. На апеляцыі прысуд зменшылі на год.

Палітзняволеную вызвалілі ў траўні 2024-га. Паведамлялася, што ёй на год прызначылі прэвентыўны нагляд і яна не можа выязджаць з Беларусі.