За год электрычнасць падаражэла на 35%

Цэны на спажывецкія тавары ў Беларусі павысіліся амаль на 14,5%. Цэны вытворцаў прамысловай прадукцыі ўзраслі на 17,8%, а цэны на будаўніча-мантажныя працы — на 15,6%.
Такія звесткі прыводзіць Белстат, параўнаўшы кошты першага паўгоддзя з аналагічным леташнім перыядам.

З прадуктаў найбольш падаражэла рыба, малако, мука і бульба З прамысловых тавараў найбольш адчувальна выраслі цэны на медыкаменты (27,4%), касметыку (21,9%).

У жыллёва-камунальнай гаспадарцы істотна падаражэла электрычнасць (34,7%), піша “Наша ніва”.