За праезд на аўто з Беларусі ў Літву давядзецца плаціць каля 10 долараў
Урад Літвы ў панядзелак зацвердзіў збор за дэзінфекцыю грузавых аўтамабіляў на мяжы Літвы і Беларусі.
Яны пры перасячэнні мяжы павінны будуць плаціць 25 літаў (каля 10 долараў).
Таксама зацверджаныя змены ў законе пра экстрэмальныя сітуацыі, паведамляе delfi.lt са спасылкай на прэм'ера краіны Альгірдаса Буткявічуса. Чыноўнік адзначыў, што цяпер аб'яўляць экстрэмальную сітуацыю ў краіне няма падставаў, бо гэта можа перашкодзіць экспарту харчавання.
Нагадаем, што заклапочанасць Літвы выкліканая ачагом афрыканскай чумы свіней, выяўленым ў Іўеўскім раёне Гродзеншчыны.
Фота — DELFI.TV
