За язду без правоў летась у Беларусі арыштавалі 1769 кіроўцаў
У 2018 годзе за язду без пасведчання кіроўцы ў Беларусі арыштавалі 1769 чалавек. Такую лічбу назваў часовы выканаўца абавязкаў начальніка УДАІ МУС Беларусі Аляксандр Цагельнік, перадае агенцтва "Мінск-Навіны".
Адказнасць за паўторнае кіраванне транспартам без пасведчання кіроўцы ў Беларусі стала больш жорсткай з 31 студзеня 2018 года. Цяпер за такое правапарушэнне пагражае адміністрацыйны арышт.
Як зазначае Цагельнік, у выніку колькасць затрыманых за такое парушэнне правілаў знізілася на 13%.
