Заробкі беларускіх айцішнікаў зноў сталі патроху расці
З красавіка заробкі ў галіне ўстойліва падалі, ілюстрацыйнае фота / tochka.by
Заробкі беларускіх айцішнікаў перасталі падаць, на гэта звярнуў увагу партал dev.by. Самая нізкая сярэдняя зарплата спецыялістаў галіны была зафіксавана ў чэрвені — 6 762,6 рубля. Ліпеньская акалазалася больш — 6 808,2 рубля. Але і яна застаецца адной з самых нізкіх у галіне ў 2024 годзе. Гаворка ідзе пра налічаны заробак (да выплаты падаткаў).
У валюце сітуацыя з сярэднім заробкам у IT выглядае аналагічна. За ліпень заробак (па сярэднім афіцыйным курсе Нацбанка за месяц) склаў 2 143,4 долара. Антырэкорд года зноў жа прыйшоўся на чэрвень — 2 121,1 долара.
Але нават у такім памеры сярэдняя зарплата айцішнікаў апынулася амаль у 3 разы вышэй сярэдняй зарплаты па краіне. Паводле звестак Белстата, сярэдні заробак за ліпень у Беларусі склаў 2 355,1 рубля.
