Жанчына ў Мінску выскачыла з акна восьмага паверха і засталася жывая
![Жанчына ў Мінску выскачыла з акна восьмага паверха і засталася жывая](/sites/default/files/styles/gallery_main/public/2023-08/psix-2502.jpg.webp?itok=zYkCSIA1)
Жыхары вуліцы Нёманскай у мінскім мікрараёне Каменная Горка 25 лютага сталі відавочцамі незвычайнага відовішча. З акна кватэры на восьмым паверсе спярша выляталі крэслы, гаршчкі з кветкамі.
А неўзабаве з гэтага ж акна выскачыла і маладая жанчына. На шчасце, ратавальнікі паспелі паставіць "куб жыцця", які выратаваў яе.
У каментары Еўрарадыё афіцыйная прадстаўніца МНС Вольга Мельчанка распавяла падрабязнасці здарэння:
"Паступіла паведамленне, што дзяўчына стаіць у акне на восьмым паверсе на вуліцы Нёманскай. Нашы выехалі на месца. Таксама па алгарытме мы выклікаем МУС і брыгаду хуткай дапамогі. Дзяўчына ўбачыла вялікую колькасць тэхнікі, зачыніла акно і вярнулася. Мае калегі падымалі пад’ёмнік, каб з ёй паразмаўляць на ўзроўні восьмага паверха. У гэты ж час унізе разгортвалі пнеўматычную падушку. Мы яе разгарнулі, а ў гэты час дзяўчына адчыніла акно і скокнула... Медыкі яе агледзелі — дзяўчына не пацярпела. Прычыны ўчынку будуць усталёўвацца пазней".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.