Жлобінскі "Металург" стаў чэмпіёнам Беларусі па хакеі
Хакеісты жлобінскага "Металурга" абыгралі мінскае "Юнацтва" і сталі чэмпіёнамі Беларусі.
У фінальнай серыі гульня ішла да чатырох перамог. Да сённяшняга матчу каманды прыйшлі з лікам 3:3.
Вырашальная сустрэча ў "Мінск-Арэне" завяршылася з лікам 3:0 на карысць жлобінскай каманды.
Дарэчы, дагэтуль "Металург" станавіўся чэмпіёнам краіны толькі ў 2012 годзе. А вось "Юнацтва" заваёўвала чэмпіёнскі тытул 10 разоў.
