Журналістку Алену Цімашчук прызналі палітзняволенай
Алена Цімашчук / БАЖ
Праваабаронцы прызналі палітзняволенай брэсцкую журналістку Алену Цімашчук, піша "Вясна".
Як распавядала Еўрарадыё, Брэсцкі абласны суд прыгаварыў яе да 5 гадоў пазбаўлення волі і аштрафаваў на 46 000 рублёў. Алену прызналі вінаватай ў дыскрэдытацыі Беларусі (артыкул 369–1 КК), распальванні варожасці (частка 3 артыкула 130 КК), удзеле ў экстрэмісцкім фармаванні (частка 3 артыкула 361–1 КК).
Алена Цімашчук — журналістка абласной тэлерадыёкампаніі "Брэст". Раней як фрылансер яна супрацоўнічала з рэгіянальнымі выданнямі "Вечерний Брест", "Брестский курьер", "Брестская газета", інтэрнэт-выданнем "Виртуальный Брест", а таксама "Брестским зелёным порталом". Паведамлялася, што дзяўчына не пісала на палітычныя тэмы ў недзяржаўных СМІ.
