З'явілася відэа, як "Беркут" штурмуе барыкады на Майдане
Байцы спецпадраздзялення "Беркут" і ўнутраных войскаў захапілі кантроль над часткай барыкадаў на Еўрамайдане на плошчы Незалежнасці.
Пасля некалькіх няўдалых спроб прарыву "Беркут" здолеў захапіць кантроль над барыкадай, адзначае УНІАН. Пасля захопу барыкады на Інстытуцкай сілавікі разам з работнікамі МНС і людзьмі ў вопратцы камунальнікаў разабралі драўляныя і металічныя канструкцыі ўмацавання.
Пасля шматгадзіннага супрацьстаяння на Інстытуцкай кожны з бакоў заняў свае пазіцыі. У той жа час умацаванне з боку Еўрапейскай плошчы прарвалі іншыя сілавікі. Яны захапілі кантроль над праезнай часткай.
