20 ліпеня па паўднёвым захадзе Беларусі будзе да +28
У сераду, 20 ліпеня, у Беларусі прагназуецца пераменная воблачнасць, паведамляе Белгідрамет.
Па ўсходзе краіны пройдуць кароткачасовыя дажджы, месцамі прагрымяць навальніцы. Вецер уначы будзе заходні слабы да ўмеранага, удзень — з пераходам на паўночны парывісты, месцамі (пераважна па ўсходняй палове) моцны парывісты — да 15-20 метраў за секунду. Сіноптыкі абвясцілі жоўты ўзровень небяспекі.
Тэрмометры ўначы пакажуць 11-17 вышэй за нуль. Удзень чакаецца 20-26 цяпла, па паўднёвым захадзе будзе да +28.
